Allwch chi dderbyn cymorth ariannol?

Mae Llywodraeth Cymru yn helpu’r dysgwyr mwyaf anghenus, felly bydd beth bynnag fydd ar gael yn dibynnu ar eich amgylchiadau personol a lle’r ydych am astudio.

Er mwyn gweld a ydych yn gymwys i dderbyn cymorth ariannol, rydym wedi llunio Canllaw Cymorth Ariannol cynhwysfawr, ond sy’n hawdd i’w ddilyn. Gallwch weld fersiwn digidol o’r canllaw neu lawr lwytho PDF. Cofiwch hefyd y gallwch ffonio’r llinell cyngor gyrfaol ar 0800 100 900 am fwy o gyngor.

Cefnogaeth ychwanegol i deuluoedd

Rydym hefyd wedi cynnwys llyfryn gwybodaeth am y gefnogaeth a’r cyngor ariannol ychwanegol sydd ar gael i rieni a gwarcheidwaid o’r enw ‘Family Friend’. Unwaith eto gallwch weld fersiwn digidol neu lawr lwytho PDF.

Nodwch y byddwch angen meddalwedd Darllenydd Adobe er mwyn gweld y dogfennau PDF. Os nad yw’r feddalwedd hon ar eich cyfrifiadur, gallwch ei llawr lwytho am ddim o wefan Adobe drwy glicio’r botwm uchod.

Mae Rhos yn dod dros nam ar ei leferydd gyda phrentisiaeth newydd

Roedd Rhos Maton, 18 oed, yn ymddiddori'n fawr mewn ceir ac roedd eisiau sicrhau dyfodol mewn mecaneg. Drwy ei ddarparwr hyfforddiant, cychwynnodd brentisiaeth gyda delwriaeth Citroën Evans Halshaw yng Nghaerdydd.

Meddai Rhos: “Pan ydw i'n nerfus dw i'n dioddef o atal dweud weithiau, sy'n gallu achosi anawsterau wrth sgwrsio. Mae'r brentisiaeth yma wedi rhoi hwb i fy hyder ac mae wedi bod yn ddigon i ddod dros fy ofn o siarad gyda phobl ddieithr. Erbyn hyn mae'n llawer haws sgwrsio gyda chwsmeriaid heb unrhyw broblemau”.

Mae Rhos yn gweithio bum diwrnod yr wythnos yn y garej ac yn mynd i sesiynau hyfforddi bob mis ym mhrif swyddfa Citroën. Mae'n dweud bod y brentisiaeth yn “ffordd ragorol o ennill arian a dysgu ar yr un pryd”.

Yn ogystal â'i brentisiaeth, mae Rhos wedi cwblhau cymhwyster mewn mathemateg i wella ei sgiliau rhifedd, sy'n sgil hanfodol ar gyfer y swydd yma.